Yn dilyn y cyhoeddiad y bydd cyfyngiadau symud cenedlaethol yng Nghymru o ddydd Gwener 23 Hydref, gallwn gadarnhau y bydd Maes Awyr Caerdydd yn parhau yn agored. Fel rhan anhepgor o seilwaith trafnidiaeth yng Nghymru mae’n hanfodol fod y Maes Awyr yn parhau’n agored ar gyfer teithio a symudiadau awyr dilys, fel rydym wedi’i wneud drwy gydol y pandemig, gan ddilyn yn fanwl ganllawiau a ddarparwyd gan yr awdurdodau perthnasol.

Rydym yn annog cwsmeriaid i wirio canllawiau Llywodraeth Cymru a Llywodraeth y DU cyn teithio. Os oes unrhyw gwsmer na all hedfan bellach byddwn yn parhau i ad-dalu costau parcio ceir a’r lolfa foethus a archebwyd yn uniongyrchol ar wefan Maes Awyr Caerdydd. Ar gyfer unrhyw ymholiadau ynglŷn â theithiau hedfan a gwyliau dylai cwsmeriaid gysylltu â’r cwmni hedfan, gweithredwr teithiau neu asiant teithio.

Rydym yn parhau i ddilyn y canllawiau sydd mewn grym gan Iechyd Cyhoeddus Cymru gan gadw diogelwch ein tîm a’n cwsmeriaid yn brif flaenoriaeth.

Cyngor i deithwyr