Wrth gyrraedd Maes Awyr Caerdydd

 

Ein nod yw gwneud eich taith i mewn i Gymru mor hwylus a chroesawgar ag sydd bosibl, dyma ambell awgrym defnyddiol i’w cofio wrth gyrraedd Maes Awyr Caerdydd. Byddwch cystal â sylwi mai Llu Ffiniau’r DU sy’n rheoli pob safle rheoli ffiniau ac sy’n gorfodi rheoliadau tollau a mewnfudo, gyda diogelwch eiddo a diogelwch personol yn flaenoriaeth gwbl ganolog.

Wrth Gyrraedd

Bydd eich pasbort neu eich cerdyn adnabod yn cael ei wirio yn yr ardal rheoli pasbort wrth gyrraedd y DU: rhaid i basbort fod yn ddilys am eich arhosiad ar ei hyd. Mae’n bosibl y bydd angen fisa arnoch er mwyn teithio drwy’r DU gyfan. Byddwch cystal â chael eich pasbort yn barod ar y dudalen gyda’r llun arni cyn cyrraedd y ddesg, a thynnwch het neu sbectol haul rydych yn ei gwisgo. Os ydych yn teithio fel teulu, cadwch at eich gilydd yn un grŵp ac ewch i’r ardal rheoli pasbort, gan y gall dogfennau adnabod teuluoedd gael eu gwirio gyda’i gilydd yn aml. Ewch i wefan Llu Ffiniau’r DU am fwy o wybodaeth.

Deiliaid Pasbortau nad ydynt yn rhai UE/AEE

Mae’n ofynnol i deithwyr sydd heb basbort Prydeinig, yr UE neu’r AEE (Ardal Economaidd Ewropeaidd) gwblhau cerdyn glanio cyn mynd drwy’r ardal rheoli pasbort. Darperir cardiau glanio gan y cwmni hedfan yn ystod y daith hedfan. Byddwch cystal â chael hwn yn barod gyda’ch pasbort wrth gyrraedd.

Gall aelodau o’r Teithwyr Cofrestredig fynd trwy ffin y DU heb lanw cerdyn glanio, a chiwio yn y rhes fyrraf, er hynny mae’n rhaid i Deithwyr Cofrestredig gario fisa/trwydded breswyl fiometrig os oes un gennych. Am fwy o wybodaeth a chymhwysedd Teithwyr Cofrestredig ewch i https://www.gov.uk/registered-traveller

Beth gaf i ddod gyda mi?

Mae hyn yn dibynnu ar fan cychwyn eich taith hedfan, er hynny yn gyffredinol, rhaid i chi ddatgan i’r swyddogion tollau:

Unrhyw beth uwchben eich lwfans di-doll

Nwyddau wedi’u gwahardd neu sydd â chyfyngiad arnynt yn y DU, e.e. cynnyrch cig neu laeth o’r tu allan i’r UE

Mwy na €10,000 mewn arian parod, os byddwch yn cyrraedd o’r tu allan i’r UE

Nwyddau y bwriadwch eu gwerthu

Byddwch cystal â sylwi efallai y byddwch chi a’ch bagiau yn cael eu gwirio am unrhyw beth sydd raid ei ddatgan.

 

M fwy o wybodaeth ewch i https://www.gov.uk/uk-border-control

 

Low fares from Cardiff to Tenerife with RYANAIR
Arrow
Arrow