Hedfan o Gaerdydd i Beijing gan newid awyren unwaith yn unig

Mae popeth am Beijing yn fawr ac yn feiddgar. Mae ganddi boblogaeth o oddeutu 21 miliwn, nendyrau syfrdanol a thros 60,000 o fwytai, sy’n gwneud Beijing yn ddinas fodern anferthol yn Tsieina.

Er bod Beijing yn ddinas gyfoes heddiw, diolch byth nad ydyw wedi anghofio ei gorffennol. Mae’r ddinas ei hun yn gartref i chwe Safle Treftadaeth y Byd UNESCO, gan gynnwys y Ddinas Waharddedig, ac mae Mur Mawr Tsieina yn troelli’n ddiymhongar ar gyrion y ddinas. Wrth archwilio, gall ymwelwyr ymgolli yn hanes imperialaidd Tsieina gan ei fod yn amlwg o hyd ym mhrif ddinas Tsieina.

Ar wahân i’w gorffennol unigryw, mae Beijing wedi cael effaith sylweddol iawn ar y byd modern. Ers i’r brif ddinas gynnal y Gemau Olympaidd yn ystod haf 2008, mae’r ddinas wedi ffynnu ac ni fydd ymwelwyr yn gallu anwybyddu ei bywiogrwydd. Mae Beijing yn fawr, ond does dim amheuaeth ei bod yn cael argraff hyd yn oed yn fwy ar ei hymwelwyr.

Llogwch feic. Mae Beijing yn hynod o wastad a chan na argymhellir cerdded o amgylch y ddinas, y ffordd orau o’i gweld yw drwy logi beic. Mae’r lonydd beiciau ar wahân i’r prif ffyrdd hefyd, felly maen nhw’n ddiogel iawn.
Mwynhewch Fur Mawr Tsieina. Mae Beijing yn lle anhygoel i oedi am funud a mwynhau Mur Mawr Tsieina. Hyd yn oed os nad oes gennych amser i’w weld yn iawn, oedwch am eiliad i ryfeddu ar ei brydferthwch.
Cadwch at y llwybr. Mae Beijing yn ddinas anferthol a gallai fod yn anodd ceisio crwydro o amgylch dinas mor fawr. Fodd bynnag, mae ffyrdd cylchol o amgylch y ddinas (sy’n hirsgwar yn eironig) y gellir eu defnyddio fel cyferbwyntiau.
Ewch i’r palasau. Mae’n rhaid ar bob cyfrif mynd i’r Ddinas Waharddedig a Phalas yr Haf sydd yn sicr yn werth eu gweld gan eu bod ymhlith rhai o atyniadau traddodiadol mwyaf poblogaidd y ddinas.
Blaswch y bwyd. Mae gan Beijing amrywiaeth wych o fwytai, felly mae’n ddigon hawdd dod o hyd i fwyd bendigedig. Mae bwyd yn bwysig yn y brif ddinas oherwydd drwy fwyta y mae’r trigolion lleol yn cymdeithasu, felly peidiwch byth â gwrthod y cyfle i wledda ar hwyaden Peking!

Visit the Great Wall, the Badaling side! There are so many different sides, it's too big!

Gan Natalie Yau