Gallwch hedfan o Gaerdydd i Bordeaux gan newid awyren unwaith

Cyrchfan ar gyfer y rhai sy’n chwilio am doreth o ddiwylliant a diferyn o win gorau’r rhanbarth yw Bordeaux. Mae’r ddinas wedi ei lleoli yn ne-orllewin Ffrainc, rhwng gwinllannau ffrwythlon y dwyrain a thraethau prydferth ar hyd arfordir yr Atlantig yn y gogledd.

Yn 2015, enwyd Bordeaux yn ‘Gyrchfan Gorau Ewrop’ ac mae’n hawdd deall pam. Wrth ochr ei gwinllannoedd niferus, mae Bordeaux yn ddinas syfrdanol sydd wedi’i lleoli ar Afon Garonne. Mae wedi cael adfywiad diweddar, wrth i'r bensaernïaeth gael ei hadfer. Mae strydoedd wedi eu neilltuo i gerddwyr yn unig, ac mae bwytai a thafarndai rhagorol wedi ffynnu. Mae hanes cyfoethog i’r ddinas hefyd, a amlygwyd drwy ei chynnwys fel safle ar Restr Treftadaeth y Byd UNESCO

Wrth i deithiwr fwynhau rhodfeydd Bourdeaux, mae'r gwin yn ychwanegiad blasus iawn.

Ewch yn ôl mewn amser. I ddysgu mwy am hanes y rhanbarth, ewch i ymweld â Museed’Aquitaine, gan mai hwn yw’r lle perffaith i ymgolli yn hanes Bordeaux yn y 18fed ganrif.
Ewch yn ôl i’r ysgol. Os hoffech chi fod yn arbenigwr ar win, rhowch gynnig ar gwrs blasu gwin dwy awr yn Maison du Vin de Bordeaux. Yn dilyn gwers ym Mordeaux byddwch yn gwybod digon i greu argraff ar eich ffrindiau yn eich cinio nesaf gyda'ch gilydd!
Neidiwch ar feic. Mae’r ddinas yn eithaf gwastad, sy’n ei gwneud yn lle delfrydol i logi beic ac archwilio’r ddinas Ffrengig yn eich amser eich hun. Mae Bordeaux yn annog pobl leol ac ymwelwyr i deithio ar feic gan fod mwy na 580km o lwybrau beicio yno.
Dringwch y tŵr. Mae tŵr Saint-Michel yn sefyll yng nghanol y ddinas, sef un o’r tyrau cerrig canoloesol talaf yn Ffrainc, ac mae’n cynnig golygfa syfrdanol o’r ddinas i’r rhai sy’n mentro dringo’r 243 o stepiau.
Ymunwch â’r parti. Os hoffech chi ymuno â'r parti ym Mordeaux, ewch i’r tafarndai a'r clybiau yn Les Quais a La Victoire.

The main attractions are the Darwin Centre (food, shopping, leisure), the new Stade de Bordeaux, and the "Wine in the City" walking tours.

Gan Andy

Drive north through the famous vineyards and Chateau of villages such as Margaux, St Julien, Pauillac, and St Estephe.

Gan Andy