Hedfan o Gaerdydd i Boston gan newid awyren unwaith yn unig

Boston yw prif ddinas Massachusetts ac mae hi wedi’i lleoli arfordir Cefnfor yr Iwerydd. Hon yw un o ddinasoedd hynaf yr Unol Daleithiau ac felly mae hi’n llawn o atyniadau hanesyddol ar gyfer ymwelwyr. Mae Boston yn enwog am ei chyfeiriadau at y gorffennol ac yn gwahodd pawb i ddilyn ‘The Freedom Trail’ gan ei fod yn cysylltu 16 o safleoedd hanesyddol.

Er bod gan Boston hanes bythgofiadwy, a hynny oherwydd ei bod wedi chwarae rhan bwysig yn y Chwyldro Americanaidd, nid yw’n ddinas sy’n gaeth i’w gorffennol. Disgrifir Boston fel dinas flaengar, ac mae ei diwylliant, ei siopau, ei bwytai a’i hamgueddfeydd yn gweddu i’r dim i’r byd modern.

Ar ôl i ymwelwyr fwynhau hanes a cheinder diwylliannol Boston, bydd hi’n amser i gael pryd o fwyd môr blasus. O ganlyniad i’w lleoliad, mae Boston yn cynnig bwyd môr sy’n tynnu dŵr o’ch dannedd y gallwch ei fwynhau gan ymgolli mewn gwledd arall, sef y porthladd yn y cefndir.