Gallwch hedfan o Gaerdydd i Gwlen a Bonn gan newid awyren unwaith yn unig

Mae Cwlen a Bonn yn ddwy ddinas ddiwylliannol gyfoethog sy’n hudo twristiaid drwy gydol y flwyddyn. Cwlen yw pedwaredd ddinas fwyaf Yr Almaen, ac mae’n gartref i amrywiaeth helaeth o atyniadau hanesyddol gan gynnwys cadeirlan sy'n un o'r lleoedd hynny y mae'n rhaid ymweld ag ef, waliau Rhufeinig hanesyddol ac adeiladau mwy diweddar a godwyd ar ôl y rhyfel. Mae Cwlen hefyd yn enwog am ei hamgueddfeydd, yn enwedig y rhai hynny sy’n ymwneud â chelf, lle y gall ymwelwyr ymgolli yn nychymyg Andy Warhol a Pablo Picasso. Os nad yw’r gwaith celf at eich dant, mae amgueddfa Siocled yng Nghwlen i sicrhau profiad melys.

Mae Bonn hefyd yn enwog am ei hamgueddfeydd rhagorol. Hon oedd prifddinas Yr Almaen ar un adeg, ac mae'n hawdd iawn cyrraedd yno gyda thrên o Gwlen i fwynhau mwy fyth o ddiwylliant. Yma, gall ymwelwyr archwilio ‘Milltir yr Amgueddfeydd’ a gweld hen ardal y llywodraeth, wrth fwynhau glannau prydferth y Rhein. Bonn hefyd yw man geni Ludwig van Beethoven, felly nid yw’n syndod ei bod yn taro tant â’n hymwelwyr.

Pan fydd ymwelwyr yn dewis ymweld â Chwlen, Bonn neu’r ddwy ddinas, byddant yn ei chael hi'n anodd dweud auf wiedersehen.

Defnyddiwch gludiant cyhoeddus. Yng Nghwlen mae’r cludiant cyhoeddus yn wych, fel y bo modd i chi deithio o amgylch y ddinas yn ddiffwdan. Dewiswch o blith yr holl dramiau, trenau a bysiau!
Ewch i weld yr amgueddfeydd. Mae gan Gwlen amgueddfa at ddant pawb, ac mae’n eich gwahodd i archwilio pob un ohonynt. Buddsoddwch mewn MuseumsCard os ydych yn bwriadu ymweld â mwy nag un amgueddfa.
Ewch i weld y castell. Os ydych yn ymweld â Bonn ac eisiau gweld beth sydd y tu allan i’r ddinas, teithiwch i faestref Bad Godesberg, lle byddwch yn dod o hyd i adfeilion castell o’r 13eg ganrif o’r enw Castell Godesbur.
Tynnwch lun o’r gadeirlan. Os ydych am wneud un peth yng Nghwlen, cofiwch ymweld â’i chadeirlan. Roedd y Safle Treftadaeth y Byd UNESCO hwn, yn adeilad talaf y byd ar un adeg. Dyma hefyd yr heneb yr ymwelir â hi amlaf yn yr Almaen.
Ewch i’r sw. Mae gan Gwlen bopeth a mwy, gan gynnwys sw! Mae’r sw yn boblogaidd â theuluoedd ac yn ddiwrnod allan gwych, gyda dros 7,000 o anifeiliaid ar y safle.

Pay a visit to Kölner Dom (the cathedral) and immerse yourself in the gothic architecture. Then have lunch at the Funkhouse Cafe beside Kölner Dom.

Gan Ruth Farrell

Walk along the Rhine river to see lots of traditional style German architecture.

Gan Ruth Farrell