Teithiau hedfan uniongyrchol o Gaerdydd i Larnaca

Mae tref hyfryd Larnaca yn llecyn gwych i ymwelwyr sy'n chwilio am ffordd o fyw ardal Môr y Canoldir. Lleolir Larnaca ar arfordir de-ddwyreiniol Cyprus, ac mae'n un o'r trefi Groegaidd olaf ar yr ynys sydd heb gael eu llethu gan dwristiaeth.

Yn ystod blynyddoedd diweddar, mae gwestai bwtîc wedi cael eu hadeiladu o amgylch y dref, sy'n golygu y gall rhagor o ymwelwyr aros a mwynhau'r traethau taclus hyfryd a'r tirnodau hanesyddol, ac ymblesera mewn amrywiaeth o gaffis a bwytai traddodiadol dilys gerllaw'r môr. Yn ystod yr ymweliad. bydd yr heulwen fendigedig a'r awel dyner barhaol yn sicrhau fod ymweld ag atyniadau yn brofiad hamddenol.

I'r sawl sy'n chwilio am wyliau bywiocach, mae paradwys clybiau nos Ayia Napa yn daith fer mewn car, ac mae'n cynnig amrywiaeth o fywyd nos a wnaiff sicrhau fod teithwyr yn dawnsio trwy'r nos.

Crwydrwch y strydoedd. Mae Larnaca yn dref berffaith i'w chrwydro ar droed, felly cofiwch ddod ag esgidiau cerdded i grwydro'r dref hynod ddiddorol hon.
Ewch i siopa! Os oes arnoch angen esgus i fynd i siopa, mae digon o siopau yn Larnaca! O siopau'r stryd fawr fel Zara i siopau ail-law yn y strydoedd cefn, ni fydd gwario eich arian gwyliau yn anodd.
Mwynhewch yr olygfa. Ger maes awyr Larnaca, mae nifer o ogofâu môr yn Cape Greco sy'n cynnig golygfa hardd ac mae'n lle perffaith i ymlacio a chael eich gwynt atoch.
Blaswch Fôr y Canoldir. Mae llawer o fwytai yn cynnig bwydydd blasus, ond y ffordd orau o wybod eu bod yn llefydd da yw gweld mwy o bobl leol nag ymwelwyr yn bwyta yno!
Darganfyddwch y gorffenol. Ymwelwch â Choirokoitia (a elwir hefyd yn Khirokitia) oherwydd mae'n un o Safleoedd Treftadaeth y Byd UNESCO ac yn safle archaeolegol lle trigai un o gymunedau cynharaf Cyprus.

Make sure that you go to an after party called ‘River Reggae’ because it is the best place to party the night away!

Gan Geoff Young

Go to Destino! It is a cracking restaurant with really tasty food!

Gan Geoff Young