Gallwch hedfan o Gaerdydd i Oporto gan newid awyren unwaith yn unig

Porto, a adnabyddir hefyd fel Oporto yn Saesneg, yw prif ddinas rhanbarth Gogleddol Portiwgal. Porto yw ail ddinas fwyaf y wlad ac mae’n fwy enwog am fod yn fetropolis gyffrous na chyrchfan i dwristiaid, gan roi'r ymdeimlad bod Porto’n gyrchfan sydd eto i'w ddarganfod, ac mae hyn yn golygu ei fod yn lle gwych i archwilio ac i deimlo fel un o’r trigolion lleol ar yr un pryd! Y mae hi hefyd yn ddinas brydferth dros ben, gyda thai o wahanol liwiau deniadol wedi’u hadeiladu ar ochr y bryn yn edrych dros yr Afon Douro.

Oherwydd ei lleoliad, dylai pobl sy’n ymweld â Phorto gofio mynd â'u hesgidiau cerdded cyfforddus bob amser, gan fod atyniadau’r ddinas wedi’u gwasgaru ar hyd a lled y strydoedd serth. Ychwanega hyn at swyn y ddinas, gan ei bod yn gwobrwyo’r rhai sy’n fodlon gwneud yr ymdrech gyda golygfeydd rhyfeddol.

I’r rhai sy’n chwilio am safleoedd hanesyddol, mae Porto’n rhagori eto, gyda statws Treftadaeth y Byd yn cael ei ddyfarnu i Hen Dref Ribeira yn 1996. Yn yr un modd, os yw ymwelwyr eisiau gweld mwy o’r Porto fodern, gallant ymweld â’i maestrefi ger y lli, lle byddant yn cael cyfle i weld atyniadau modern ynghyd â bwytai gwych.