Hediadau uniongyrchol o Gaerdydd i Faro

Mae’r Algarve wedi’i leoli yn ne Portiwgal ac mae’n gyrchfan poblogaidd i dwristiaid sy’n chwilio am haul, môr a syrffio. Mae’r traethau yn syth oddi ar gerdyn post, gyda thywod euraidd a moroedd disglair yn swatio dan glogwyni mawreddog.

Un elfen yn unig o’r Algarve yw ei dirlun, ac ni fyddwch fawr o dro yn darganfod y gweithgareddau di-rif sydd ar gael i chi yno, o gyrsiau golff pencampwriaeth i gyfleoedd i ddeifio a digonedd i'w wneud fin nos. Mae Faro, prifddinas hyfryd yr Algarve, hefyd yn drysor, ond yn un nad yw’r mwyafrif o dwristiaid yn ymwybodol ohoni wrth iddynt heidio’n syth i’r canolfannau gwyliau ar y cyrion.

Oherwydd hynny, mae dinas Faro wedi cadw ei chymeriad, ac mae ganddi hanes a diwylliant cyfoethog i chi eu harchwilio. Mae popeth yn agos at ei gilydd ac mae’n hawdd cerdded i bobman yn y ddinas, ac mae'n lle perffaith ar gyfer y rhai sy’n awyddus i gael gwyliau byr yn y ddinas cyn ei chychwyn hi am draethau’r Algarve.

Siopau gwych. Os ydych chi wedi cael digon ar y traeth am y tro, beth am fynd i stryd di-draffig Rua de Santo Antonio yn Faro, lle cewch chi amrywiaeth o siopau bach a fydd yn swyno'r arian allan o’ch waled!
Sbwyliwch eich hun. Mae gan yr Algarve fwyd traddodiadol blasus dros ben, pa un a ydych chi’n dymuno bwyta gyda’r trigolion mewn bariau byrbrydau neu gael sbloet mewn bwyty â sêr Michelin, mae’r cwbl ar gael yn yr Algarve.
Gwylio’r bywyd gwyllt. Mae Parc Natur Ria Formosa yn warchodfa natur sy’n gartref i amrywiaeth o adar, ac i rywogaethau sydd mewn perygl a blodau gwyllt prydferth. Cewch fwynhau taith gerdded wedi’i thywys, taith feicio neu drip mewn cwch i archwilio’r ardal.
Y bêl fach wen. Mae mwy na 30 o gyrsiau golff yn yr Algarve felly bydd gennych ddigonedd o ddewis os ydych chi’n mwynhau’r gêm.
Archwiliwch yr Hen Ddinas. Gadewch ddigon o amser i ymweld â’r Hen Ddinas yn Faro cyn dychwelyd i’r maes awyr, i gael cyfle i weld ei Chadeirlan a’i mannau hanesyddol eraill.

Go for a walk around the old town within the medieval walls- Beautiful architecture and family-run cafes!

Gan Ceri Bower

Columbus Cocktail & Wine Bar serves the best Sangria in town!

Gan Ceri Bower

Catch a ferry to the island beach ‘Ilha Deserta’ for a beautiful and chilled day in the sunshine.

Gan Ceri Bower