Hediadau uniongyrchol o Gaerdydd i Ddulyn

Fe'i gelwir gan y trigolion yn 'ddinas deg Dulyn', a bydd y brif ddinas gyfeillgar hon yn rhoi croeso cynnes iawn i chi. Bydd yna ddigon o brofiadau i'w cael, o nosweithiau cofiadwy yn un o'i llu o dafarndai i ddarganfod hanes cyfoethog Dulyn o gyfnod y Llychlynwyr a'r llwythau Celtaidd.

Bydd yn anodd anwybyddu'r hanes oherwydd mae'r ddinas yn llawn o eglwysi cadeiriol o'r 18fed ganrif, castell canoloesol a rhai adeiladau Sioraidd ysblennydd. I ddysgu mwy am Ddulyn, bwciwch le ar daith gerdded neu ymweld ag un o'r nifer o amgueddfeydd.

Wedi i chi weld holl olygfeydd y ddinas, bydd yna beint oer o Guinness yn disgwyl amdanoch a 'boxty' blasus i chi ei fwynhau.

Cam i fyny, cam i lawr. Ewch ar daith ar un o fysiau Cam i Fyny Cam i Lawr Dulyn, a byddwch yn cael cyfle i weld yr holl olygfeydd. Mae yna 33 o lefydd stopio, felly gallwch benderfynu pryd i gamu i fyny a phryd i gamu i lawr!
Mynd yn ôl i'r coleg! Y tro hwn ewch i Goleg y Drindod, yr Hen Lyfrgell yn benodol fel y gallwch weld Llyfr Kells, llawysgrif a ysgrifennwyd tua'r flwyddyn 800AD ac sy'n rhoi goleuni amhrisiadwy ar hanes.
Anelu am Temple Bar. Mae'r lle hwn wedi cadw ei gymeriad canoloesol a'i strydoedd o gerrig. Byddwch hefyd yn cael profi gwefr gyffrous y bariau a'r tai bwyta niferus.
Gweld y ddawns Wyddelig. Os ydych yn Nulyn, gallwch gofleidio ei naws drwy wylio dawnsio Gwyddelig traddodiadol. Mae yna berfformiadau'n cael eu cynnal mewn theatrau lleol.
Tywallt eich peint eich hun. Ewch i Storfa Guinness a chanfod sut mae hoff ddiod Iwerddon yn cael ei fragu, a byddwch hyd yn oed yn cael ei flasu!

Check out Cornucopia on Wicklow street – amazing vegetarian restaurant that cater for various dietary requirements!

Gan Olivia Farrell

The Cake Café – adorable little café behind Daintree on Camden street – they have incredible food and they give you blankets if it’s chilly!

Gan Olivia Farrell

Afternoon tea with GIN! Check out the Westin Hotel for amazing afternoon tea, they serve teapots filled with Hendricks Gin.

Gan Olivia Farrell