Hediadau uniongyrchol o Gaerdydd i Reus

Mae Reus wedi’i leoli ger arfordir dwyreiniol Sbaen, ac mae’n gyrchfan poblogaidd oherwydd ei fod yn agos at drefi glan môr fel Salou. Mae’r trefi hyn yn hynod groesawus i dwristiaid ac mae llawer o bobl yn heidio i’r Costa Dorada, am ei ‘Arfordir Euraidd’, ei heulwen braf a’r amrywiaeth o weithgareddau sydd ar gael.

I’r rhai sydd â diddordeb mewn pethau y tu hwnt i’r traeth, mae gan Reus ddigon i’w gynnig. Mae’n drysor ar arfordir Sbaen oherwydd mae’r dref brysur hon yn llawn cyfrinachau pensaernïol. Mae hefyd yn ymfalchïo mewn amrywiaeth o siopau felly dyma’r lle perffaith ar gyfer prynu rhywbeth i'ch atgoffa am eich gwyliau.

Mae gan ymwelwyr ormodedd o ddewis o ran y nifer o draethau ger Reus, ac mae rhyw swyn arbennig i’r dref hardd hon.

Dawnsiwch yn y ffowntenni. Nid yw Salou ond 9km o Reus, ac mae atyniadau gwych yno fin nos, gan gynnwys Font Illuminosa (ffownten wedi’i goleuo). Dyma sioe o ddŵr, golau a cherddoriaeth!
Neidiwch ar y trên. Os oes arnoch eisiau teithio ymhellach, gallwch ddal trên i Barcelona a byddwch yno mewn dim ond tua 90 munud.
Gwyliwch y byd yn mynd heibio. Mae Reus yn dref ardderchog i ymlacio a gwylio pobl, yn enwedig yn y Plaza de Prim. Eisteddwch a mwynhau’r olygfa wrth yfed eich coffi!
Dilynwch ôl traed rhywun. Mae gan Reus deithiau cerdded poblogaidd ledled y dref, gan gynnwys un sy’n dilyn ôl traed Gaudi. Cewch weld lle ganwyd Gaudi a ble y treuliodd ei ieuenctid.
Chwiliwch am wefr! Mae Reus yn agos i Porto Aventura, un o barciau thema mwyaf Ewrop a’r un sydd â’r nifer fwyaf o ymwelwyr yn Sbaen. Bydd yn bendant yn ddiwrnod allan sy’n addas i’r teulu cyfan!

In Salou, make time to watch the fountains in the evening as they are featured in a lovely light display.

Gan Angharad Yates

Take a bus trip out to a fishing village and experience another side of Spain!

Gan Angharad Yates