Gallwch hedfan o Gaerdydd i Doulouse gan newid awyren unwaith

Mae Toulouse yn ddinas sy’n llawn pethau annisgwyl, ac mae ei hatyniadau diwylliannol a’i phensaernïaeth Romanésg yn gwneud i ymwelwyr ryfeddu nad yw’r ddinas Ffrengig dlos hon yn cael mwy o sylw. Ond gallai hynny fod yn rhan o swyn Toulouse.

Mae’r rhai sy’n ymweld â Toulouse yn cael eu hannog i grwydro drwy ei strydoedd briciau pinc deniadol, a gellir cyrraedd holl brif atyniadau’r ddinas yn rhwydd ar droed. Ymhlith y strydoedd hyn, bydd ymwelwyr ymhen fawr o dro yn darganfod cyrchfan o wrthgyferbyniadau, gan fod treftadaeth ganoloesol Toulouse a chyfeiriadau at y diwydiant awyrofod i'w gweld yn agos at ei gilydd. Mae Toulouse wedi chwarae rhan bwysig o ran awyrofod ac mae’r ddinas yn falch o rannu ei gwybodaeth gyda’r rhai sy'n dymuno 'mynd yn ôl i’r dyfodol'.

Er mai Toulouse yw pedwaredd ddinas fwyaf Ffrainc, mae popeth yn agos at ei gilydd ac mae ynddi olygfeydd a fydd yn llonni calon pob ymwelydd.