Gallwch hedfan o Gaerdydd i Vancouver gan newid awyren unwaith

Nid yw’n cymryd yn hir i ymwelwyr ddod o hyd i’r hyn y maent yn chwilio amdano yn Vancouver. Mae’n gyrchfan atyniadol gan ei bod yn ddinas sy’n llwyddo i fod yn gosmopolitan er bod bywyd yr awyr agored ar garreg y drws.

Lleolir Vancouver ar gornel de-orllewinol Columbia Brydeinig, a dyma’r ardal fetropolitan drydedd fwyaf yng Nghanada ac fe’i hamgylchynir gan fynyddoedd mawreddog. Mae eira i'w weld ar gopa’r mynyddoedd hyn yn aml iawn, ac mae hyn yn ysgogi ymwelwyr i deithio i Cypress, Grouse neu Seymour gan eu bod yn lleoedd poblogaidd ar gyfer sgïo. Mae digonedd o draethau i orwedd arnynt yn Vancouver ar gyfer y rhai y mae'n well ganddynt yr haul na’r eira, ond dylai pawb ymweld â Pharc Stanley sy'n brydferth iawn. Mae hwn yn fwy na Central Park, ac mae'n lle delfrydol i’w archwilio, pa un a ydych yn cerdded, yn beicio, neu hyd yn oed yn llafnrolio.

Pa beth bynnag y bydd ymwelwyr yn penderfynu ei wneud yn Vancouver, mae un peth sy’n gyson bob amser, awyrgylch gwefreiddiol y ddinas.

Ewch i ganol y ddinas. I’r rhai ohonoch sy’n awyddus i ddysgu am safleoedd enwog Vancouver, canol y ddinas yw’r lle i fynd. Yno fe welwch Canada Place, Canolfan Confensiwn Vancouver, a’r Adeilad Morol.
Mwynhewch yr olygfa. Mae’n hawdd iawn anwybyddu’r golygfeydd prydferth sydd o’ch cwmpas yn Vancouver gan fod cymaint o bethau i’w gwneud yno. Ceisiwch neilltuo un diwrnod ar gyfer ymlacio ym Mharc Stanley, gan ei fod yn lle gwych i syllu ar y gorwel a’r mynyddoedd sy’n amgylchynu’r ddinas.
Mwynhewch yr haul. Nid yw Vancouver yn lle nad yw ond yn addas ar gyfer y rhai sy’n caru eira, gan fod ymwelwyr hefyd yn gallu mwynhau’r haul ar un o’r traethau. Mae traeth Kitsilano yn boblogaidd, yn enwedig ar gyfer pobl sy’n mwynhau pêl foli ar y traeth, ac mae’r Spanish Banks yn wych os ydych â'ch bryd ar ymlacio mewn ardal dawelach.
Mwynhewch ychydig o sushi. Mae'r coginio yn Vancouver o'r radd flaenaf ac mae digonedd o ddewis o fwydydd amrywiol ar gael yn y ddinas. Os nad ydych yn gwybod beth i'w flasu gyntaf, dywedir mai Vancouver yw’r lle y ceir y sushi gorau yng Ngogledd America.
Siopwch tan eich bod wedi blino’n lân. Mae dewis ardderchog o siopau yn Vancouver ac os mai siopau cyfarwydd sy'n mynd â'ch bryd, mae Stryd Robson yn lle gwych i brynu rhywbeth arbennig i chi eich hun.

Treat yourself to a tasty breakfast with waffles at Nero Belgian Waffle Bar or Baked Eggs Benny at Acme Café !

Gan Ceri Bower

Drive the 'Sea to Sky' drive from Vancouver to Whistler for some of the best views in British Columbia.

Gan Ceri Bower

Spend an afternoon browsing the shops on Kitsilano’s 4th Avenue!

Gan Ceri Bower

Get the water taxi from English bay to Granville Island and check out the market and beer!

Gan Olivia Farrell

Spend the day roaming around Gastown and have cocktails at Chill Winston.

Gan Olivia Farrell