Hedfan o Gaerdydd i Fenis gan newid awyren unwaith yn unig

Mae llawer wedi canmol dinas hudolus Fenis, ond nid yw’r ganmoliaeth yn gwneud cyfiawnder â hi. Mae’r ddinas anhygoel hon yn codi’n urddasol o’r dŵr, â chamlesi yn cymryd lle strydoedd a’r ymwelwyr yn arnofio ar hyd y Gamlas Fawr gan werthfawrogi’r amrywiol olygfeydd. Honnir bod poblogaeth Fenis yn dyblu bob dydd pan fo’r twristiaid yn heidio at ei dyfroedd disglair, felly nid yw’n syndod bod Fenis yn llawn atyniadau diwylliannol.

Mae gan y ddinas 117 o ynysoedd a gysylltir gan bontydd a chamlesi, a dyna sy’n creu’r darlun bythgofiadwy hwnnw o deithwyr yn archwilio Fenis mewn gondola. Ceir eglwysi a phensaernïaeth sy’n adrodd hanes bob ochr i'r camlesi. Uchafbwynt o ran hanes y ddinas yw Basilica Sant Marc sy’n cynrychioli pensaernïaeth y Dadeni i’r dim.

Mae Fenis yn ddiamau yn weledol drawiadol, yn enwedig pan fo haul crasboeth yr Eidal yn disgleirio. Ond hyd yn oed pan fo’r niwl yn cysgodi’r ddinas, mae ei harddwch bob amser yn amlwg.