Gallwch hedfan o Gaerdydd i Fienna gan newid awyren unwaith yn unig

Mae prif ddinas Awstria, Fienna, yn deyrnged addas i’r wlad gan ei bod yn llawn urddas. Mae’r ddinas yn cynnwys amrywiaeth o Balasau Ymerodrol, gan gynnwys Palas Hofburg, a oedd gynt yn balas ar gyfer rheolwyr Ymerodraeth Awstria-Hwngari. Mae’r hanes hwn wedi gosod y naws ar gyfer gweddill y ddinas, sydd wedi’i chadw’n ofalus gan bobl Fienna.

Ochr yn ochr â phalasau hardd, roedd Fienna hefyd yn gartref i rai o gerddorion a chyfansoddwyr enwocaf y byd. O Mozart i Schubert, mae’r ddinas hon wedi’i hysbrydoli gan eu gweithiau ac ni fydd hi fyth yn blino ar eu dathlu. Gall ymwelwyr hefyd fwynhau amrywiaeth o amgueddfeydd yn ardal y MuseumsQuartier, lle byddant hefyd yn dod o hyd i gasgliadau celfyddyd gain.

Mae Fienna’n gyrchfan sy’n berffaith drwy’r flwyddyn, gan fod modd i ymwelwyr fwynhau operâu a gwyliau yn yr haf, a marchnadoedd Nadolig a dawnsfeydd gwefreiddiol yn y gaeaf. Mae Fienna’n gyrchfan a fydd wrth fodd unrhyw ymwelydd.

Ewch i weld yr Opera. Mae Fienna’n enwog am yr Opera, felly os oes gennych amser, ceisiwch gadw lle i fynd am noson allan i’r State Opera. Mae teithiau tywys ar gael hefyd i gael gweld yr awditoriwm yn ystod y dydd, os yw hynny'n fwy at eich dant.
Ewch i weld y gelfyddyd gain. Os hoffech chi fynd i amgueddfa sy’n darparu hanes celfyddyd, Amgueddfa Kunsthistorisches yw’r dewis perffaith, gan fod ganddi gasgliadau gan Rembrandt, Reubens a Titian. Mae’r amgueddfa hefyd yn adeilad hyfryd gyda chrymdo wythonglog ar y to – cofiwch fynd i'w weld.
Ewch i gael blas go iawn ar Fienna. Mae gan y ddinas gaffis gwych, felly sicrhewch eich bod yn neilltuo prynhawn i eistedd ac ymlacio gyda choffi a theisen fendigedig. Mae pobl Fienna wrth eu boddau â choffi, a byddwch chithau hefyd ar ôl ei flasu.
Ewch am dro o amgylch y ddinas gyda’r nos. Er mwyn gweld agwedd arall ar y ddinas, trefnir teithiau fin nos fel y bo modd i ymwelwyr weld y bensaernïaeth anhygoel mewn modd cwbl wahanol.
Ewch i weld sioe. Os hoffech chi weld rhywbeth arall heblaw am yr opera, beth am fynd i weld sioe Awstriaidd? Mae’r rhain fel arfer yn cynnwys cinio gyda'r nos ac yn cynnig cyfle llawn hwyl i ddarganfod hen draddodiadau gwerinol Awstria.

Try and visit one of Vienna’s market as you can pick up some unique items at a great price!

Gan Lucinda Reid

Tour the city at night as the amazing architecture comes alive with their bright lights.

Gan Liam Giles