Ein Maes Awyr 2040 – Uwchgynllun

Dyluniwyd y strategaeth ddylunio ar gyfer yr Uwchgynllun i fod yn ddigon hyblyg i fodloni newidiadau yng ngalw teithwyr ac anghenion cludo. Mae’r egwyddorion canlynol yn amlinellu canllaw ar gyfer ehangu a gwella’r Maes Awyr y mae’r Uwchgynllun yn ceisio ei hyrwyddo:

1. Terfynfa newydd o’r radd flaenaf, sy’n canolbwyntio ar optimeiddio profiad y defnyddwyr a darparu croeso unigryw i’w ddylunio a’i gyfeirio i alluogi rhyngwyneb â’r Ardal Fenter a datblygiadau masnachol a busnes posibl;
2. Darparu standiau newydd ar gyfer cymysgedd o awyrennau, gan gynnwys standiau cyswllt a phell;
3. Terfynfa cargo newydd;
4. Darparu ffordd benodedig newydd i gyrraedd y derfynfa o’r A4226, gan wahanu traffig y Maes Awyr rhag traffig arall, gan gynnwys yr Ardal Fenter;
5. Gwella’r mynediad i gerddwyr a beiciau i safle’r Maes Awyr a thrwyddo, gan gynnwys cysylltiadau â’r Rhws a’r Barri;
6. Integreiddio â’r Metro yn y dyfodol, gyda chysylltiad bws wedi’i ddiogelu, yn ogystal â chysylltiad penodedig gwell rhwng y derfynfa a gorsaf drenau Maes Awyr Rhyngwladol Caerdydd y Rhws, a fydd yn gwella’r profiad trosglwyddo;
7. Gwella’r gwagle agored, mannau cyhoeddus a thirlunio; a
8. Tir wedi’i ddiogelu ar gyfer ehangu.

Mae’r nodweddion allweddol a’r ystyriaethau dylunio’n cynnwys:

Porth Rhyngwladol:

• Darparu mwy o gapasiti i dyfu i dair miliwn a mwy o deithwyr y flwyddyn
• Denu cwmnïau hedfan newydd, sicrhau llwybrau newydd a rhoi rhagor o ddewis i gwsmeriaid sy’n hedfan i’r rhanbarth ac oddi yno
• Arallgyfeirio’r maes awyr i greu ac i ddatblygu cyfleoedd ar gyfer hedfan, cargo, addysg, technoleg ac arloesi
• Adeiladu ar ein gweithredu effeithlon a diogel 24/7.

Lle unigryw:

• Creu man cyhoeddus i’r gymuned ei mwynhau
• Cyffroi cwsmeriaid cyn iddyn nhw hedfan a’r rhai sy’n cyrraedd yng Nghymru, gan greu teimlad o leoliad ac ymwybyddiaeth o ddiwylliant Cymru
• Cysylltu busnesau ar draws campws y Maes Awyr, gan gefnogi’r rhanbarth a’r Ardal Fenter
• Cefnogi addysg trwy roi lle i ddysgu ac arloesi.

Terfynfa Newydd:

• Ymestyn ein hunaniaeth unigryw fel porth i Gymru, a chreu argraff dda ar bobl wrth iddynt gyrraedd a gadael
• Sicrhau ei bod yn hygyrch i bawb
• Ymestyn profiad ein cwsmeriaid gyda chyfleusterau o’r radd flaenaf
• Datblygu ein cymwysterau ‘gwyrdd’ er mwyn bodloni ein hymrwymiadau amgylcheddol a chymdeithasol.

Gwesty 4* Newydd:

• Datblygu’r gwesty cyntaf ar y safle
• Cynnig mwy o ddewis i gwsmeriaid o ran llety lleol
• Cynnig cyfleusterau cynadleddau a chyfarfodydd busnes
• Cynnig lleoliad cyfleus i ymwelwyr grwydro trwy’r rhanbarth.

 Canolfan Drafnidiaeth Newydd a Maes Parcio:

• Cynnig mwy o ddewisiadau teithio i gwsmeriaid, y gymuned a thîm y Maes Awyr; car, bws, trên, tacsi, llogi car a theithio egnïol
• Cynnig cyfleuster trafnidiaeth integredig well
• Datblygu maes parcio aml-lawr newydd yn agos at adeilad y derfynfa
• Cynnig gwasanaethau newydd i wella profiad y cwsmeriaid.

Mynediad: Statws:

Dileu tollau Croesfan Hafren yr M4: Ar waith                      

Ffordd Osgoi Casnewydd yr M4: Arfaethedig

Ffordd gyswllt Pendoylan yr M4: Arfaethedig

Gwella’r lôn bum milltir: Ar waith

Gwella prif linell Great Western: Ar waith

Datblygu Metro De Cymru:Ar waith

Trenau mwy aml: Arfaethedig

Cysylltiad bws cyflym: Ar waith